hero-bg

Компания туралы Компания туралы

«Казцинк» - Қазақстанның түсті металлургия көшбасшыларының бірі

 «Казцинк» компаниялар тобыныц саясаты

Компаниямыз – мыс, бағалы металдар және қорғасын сияқты ілеспе металл түрлерін көптеп қоса өндіретін интеграцияланған ірі мырыш өндіруші. Компанияның негізгі кәсіпорындары Қазақстан Республикасының Шығыс Қазақстан, Ақмола және Қарағанды облыстарында орналасқан.

Компания 1997 жылы құрылды. Glencore International AG бас инвестор болды.

Казцинк өзі құрылғаннан бергі жылдар ішінде өндірістік қуаттар мен өнім өндіруді едәуір арттырды. 

Компания ISO 9001, ISO 14001, OHSAS 18001 және ISO 50001 халықаралық стандарттарына сәйкес кен өндіруден бастап оларды тазартылған металдар ала отыра өңдеуге дейінгі түсті металдар өндірудің толық циклын қамтитын интеграцияланған сапа, қоршаған орта, денсаулық сақтау, еңбек қауіпсіздігі менеджменті және энергия менеджменті жүйесін; өндірісті инфрақұрылыммен, көлікпен, ресурстармен қолдайтын және қамтамасыз ететін қосалқы бөлімшелер, сонымен бірге өндіріс қалдықтарын жою үдерістерін құрды.

Казцинк сапа менеджменті жүйесіне алғаш рет DIN EN ISO 9001 халықаралық стандартқа сәйкестік сертификатын 2004 жылы алды. Қазіргі уақытта бұл жүйе тиімді жұмыс істеуде және үнемі сапа менеджменті жүйесі мен қоршаған ортаның DIN EN ISO 9001 және DIN EN ISO 14001-ге сәйкестігіне растама сертификациядан өткізіліп тұрады.

Компания бөлімшелері орналасқан қалалардың әлеуметтік дамуына үнемі қатысып, маңызды жобаларына инвестиция салады, сонымен бірге Қазақстандағы сандық өндіріс флагмандырының бірі болуға ұмтылып, жаңа технологиялар енгізіп отырды.

our-mission-bg rellax

Біздің міндетіміз

Жұртшылыққа, қоршаған ортаға және адамдар денсаулығына тәуекелді барынша азайта отырып, ілгерілей даму және табиғи ресурстар мен қуат көздерін ыждағаттықпен пайдалану арқылы өзіміздің меншік иелеріне, қызметкерлерімізге, әріптестеріміз бен қоғамға орнықты құндылық жасау.

Біздің құндылықтарымыз

Қауіпсіздік

Қауіпсіздік

Біз қауіпсіздікке қатысты мəселелерде ешқашан ымыраға бармаймыз. Біз бір-бірімізге қамқоршымыз жəне егер ол қауіпті болса, жұмысты тоқтатамыз.

Адалдық

Адалдық

Біз ауыр болса да дұрыс əрекеттен қорықпаймыз. Біз айтқан уəдені орындаймыз жəне бір-бірімізді алаламай, құрметпен қараймыз.

Жауапкершілік

Жауапкершілік

Біз өз əрекетіміз үшін жауаптымыз. Біз өз ойымызды білдіреміз жəне біз туралы пікірін білу үшін өзгені де тыңдаймыз. Біз коммерциялық жəне əлеуметтік салада, сондай-ақ қоршаған ортаны қорғау саласында жұмыс нəтижелілігін арттыруға тырысамыз.

Ашықтық

Ашықтық

Біз бір-бірімізбен қарым-қатынаста адалмыз жəне ашықпыз. Біз ақпаратты бөлісе, диалог пен кері байланысты қолдай отыра кемелденуге тырысамыз.

Қарапайымдылық

Қарапайымдылық

Біз жұмысты тиімді істейміз жəне басты назарды оның маңызды жағына аударамыз. Біз қажетсіз қиындықтарға жоламаймыз жəне қарапайым əрі прагматикалық шешімдерді іздейміз.

Кəсіпкерлік

Кəсіпкерлік

Біз жаңа идеяларды қолдаймыз жəне өзгерістерге тез бейімделеміз. Біз əрқашан бизнес тиімділігін арттырудың, сондай-ақ жұмыстың неғұрлым жетілдірілген жəне қауіпсіз əдістерін жасау үшін жаңа мүмкіндіктер іздейміз.

Біздің адамдар

Біздің адамдар

Біздің ең үлкен құндылығымыз – Адамдар. Біздің табысымыздың кепілі –қызметкерлеріміз. Біздің команда тəжірибелері, мəдениеті мен білімі əртүрлі талантты адамдардан тұрады. Казцинк – ниеттес жандардың үлкен командасы. Біздің ерекшелігіміз – құрметті көзқарас, сенім, адалдық пен ашықтық, бір-бірімізді тыңдау жəне түсіну, əріптестер қиындығына бейжай қарамау жəне шын пейілмен көмектесу. Біз бір-біріміз үшін жауаптымыз, еңбекте жоғары нəтижелерге жету үшін бір-бірімізге көмектесеміз, сəттілік қуанышы мен сəтсіздік қайғысына ортақтасамыз.

Біздің стратегиямыз

1

Адамға және қоршаған ортаға әсерді азайту:

Ең озық тәжірибелерді енгізуді жалғастыру және оларды жаңа технологиялардың дамуына қарай адамға зиянды әсерді төмендету және өндірістің қоршаған ортаға әсерін азайту, сондай-ақ жазатайым оқиғалар мен кәсіби сырқаттардың асқыну ықтималдығын болдырмау мақсатында қолдану.

2

Пайдалылықты арттыру:

Кенорындары мен өндірістердегі өнімділік пен энергия тиімділігін арттыру, өнімнің өзіндік құнын төмендету үшін жаңа технологияларды, әдістерді енгізу арқылы өндірістік және басқару үдерістерін тұрақты түрде жетілдіріп отыру.

3

Өндіру ұзақтығын ұлғайту:

Жұмыс істеп тұрған кенорындары мен жаңа алаңшалар шектеріндегі геологиялық барлау жұмыстары жөніндегі мақсатты іс-шаралар негізінде геологиялық ресурстар мен резервтер өсімін қамтамасыз ету.

4

Өзіндік капиталды молайту:

Жаңа активтерді біріктіру және игеру арқылы Компанияны жергілікті және өңірлік ауқымда кеңейту. Жаңа активтер сатып алған кезде капиталдандыруды ең жоғарғы шекке жеткізуге бағытталған басты мақсатты көрсеткіштерді – сапаны, көлемді және адал бағалауды негізге алу.

5

Қабылдаған міндеттемелерді әрқашан орындау:

Қоршаған ортаны қорғау мен еңбек қауіпсіздігіне назар аудара отырып, Топтың барлық кәсіпорындарында, қатысымыз бар барлық өңірлерде корпоративтік және әлеуметтік жауапкершіліктің жоғары стандарттарына сай болу.

Нұсқаулық

Қуанышев Нариман Раймұханұлы

Мемлекеттік басқару органдарымен өзара іс-қимыл жөніндегі атқарушы директор

Қуанышев Нариман Раймұханұлы

Мемлекеттік басқару органдарымен өзара іс-қимыл жөніндегі атқарушы директор

1970 жылы туған. Мәскеу болат және қорытпа институтын «инженер-металлург» мамандығы бойынша тәмамдаған. 1999 жылға дейін бірнеше өнеркәсіптік компанияларда жұмыс істеген, 1999 жылы «Казцинкке» Көлік, кедендік ресімдеу және лицензиялау бөлімінің бас маманы болып орналасты. Әрі қарай Көлік басқармасының бастығы және Теміржол кешенінің, кейін қайта құрылған «Казцинк-ТемирТранс» кешеннің директоры лауазымын атқарған. 2011 жылы коммерция жөніндегі Вице-президент болып тағайындалды, ал 2016 жылдан бастап мемлекеттік басқару органдарымен өзара іс-қимыл жөніндегі атқарушы директор. «Құрмет» орденімен (орден «Почета») марапатталды.

Тогобецкий Виктор Юрьевич

Еңбек қорғау және өнеркәсіптік қауіпсіздік жөніндегі атқарушы директор

Тогобецкий Виктор Юрьевич

Еңбек қорғау және өнеркәсіптік қауіпсіздік жөніндегі атқарушы директор

1969 жылы туған. 1992 жылы Самарқанд автомобиль командалық жоғары әскери училищесін «Автомобиль көлігін пайдалану инженері» мамандығы бойынша тәмамдады. 20 жылдан астам уақыт Philip Morris, Ford Motor Company, Nestle, Alcoa, PepsiCo және НЛМК ірі халықаралық өндірістік компанияларда еңбек қорғау, өнеркәсіптік, өрт қауіпсіздігі және экологиялық қауіпсіздік мәселелері бойынша жетекшілік етті. Alcoa және НЛМК компанияларында еңбек қорғау, өнеркәсіптік, экологиялық қауіпсіздік және тұрақты даму салаларында басты корпоративтік лауазымдарда кен өндіру және металлургия салалары бойынша жұмыс тәжірибесі бар. 2020 жылғы қыркүйек айынан бастап «Казцинктің» еңбек қорғау және өнеркәсіптік қауіпсіздік жөніндегі атқарушы директоры болып табылады.

Марапаттары

Парыз

Қазақстан Республикасының бизнестің әлеуметтік жауапкершілігі бойынша сайыс аясындағы ең беделді мар...

Алтын Гефест

Қазақстандағы кен-металлургя саласындағы ең беделді марапат болып табылады

Қорған

Еңбек қорғау және өнеркәсіптік қауіпсіздік бойынша «Қорған» ұлттық салалық сайысы Дүниежүзілік еңбек...

Хрусталь пирамида

Адам ресурстары менеджменті саласындағы «Хрусталь пирамида» халықаралық сыйлықақысын HR-Директорлар...

Алтын Жүрек

«Спортты қолдауы және дамытуы үшін» – бұл аталымда «Казцинктің» Ақмола облысындағы бөлімшесі «Altynt...

Алтын Сапа

Жыл сайын компанияларға өнімдер мен қызметтердің сапасын арттырудағы елеулі нәтижелері, сондай-ақ ба...