09.06.2024
Өскеменде шағын және орта бизнеспен ынтымақтастықты дамыту жөнінде Форум болып өтті. «Казцинк» өз серіктестерімен алдағы ынтымақтастық жоспарларын бөлісті, заңнамалық нормаларда айқындалуы мүмкін жаңалықтар туралы әңгімеледі, сондай-ақ жалпы сомасы 5 млрд.тг-ден астам болатын бірқатар офтейк-келіімшарттарға қол қойды.
ШҚО-ның аса ірі кен-металлургия компаниясы шағын және орта бизнеспен ынтымақтастықты қарқынды дамытып келеді. Жылына қазақстандық кәсіпорындармен 10 000 астам келісімшарттар жасасылады. Соңғы 5 жылда 5 000-ға жуық отандық компания «Казцинкке» әріптес болды. Тек 2023 жылы ғана жергілікті жеткізушілерден жалпы сомасы 60 млрд тг-ге жуық тауарлар, жұмыстар және қызметтер сатып алынды (республикада жоқ түрлерінен басқа). Бұл шамамен олардың 80%-ын құрайды.
Кеңес аясында компания өкілдері қолданыстағы комплаенс-мәдениет, серіктестерге арналған жұмыс нормалары және заңнама талаптарын орындау туралы айтты.
