4.08.2024
Жас геологтардың ауқымды сайысы Ақмола облысының Щучинск қаласында өтті. Олимпиадаға дәстүрлі түрде «Казцинк» қолдау көрсетті.
VII Халықаралық далалық олимпиада Қаныш Сәтпаевтың 125 жылдығына орай өткізілді. Іс-шараға 20 командадан 200-ден астам орта мектеп оқушылары қатысты. Жас геологтар Қазақстанның түрлі аймақтарынан және жақын шетелдердің бірнеше елдерінен жиналды. Қатысушылар қауіпсіздік техникасының негіздері және палеонтология, гидрология, минералогия және петрография, пайдалы қазбалар геологиясы сияқты геологиялық пәндер бойынша білімдерін көрсетті.
Олимпиада жүлдегерлеріне жеке есепте еліміздің беделді университеттеріне геологиялық мамандықтар бойынша алты грант берілді.
