«Казцинк» 25 жылдық мерейтойы мен Металлург күніне орай қызметкерлер мен қонақтар үшін Өскеменде ерекше ойын-сауық бағдарламасын өткізді. Қалалық аттракциондар саябағы ойын-сауық аймағына айналды.
Бағдарлама «Металлургтер қаласы» деп аталды – қонақтарға түрлі ойын-сауық, аттракциондар, қызықты квестер мен Шығыс Қазақстанның ең ірі компаниясының бөлімшелері орналасқан барлық елді мекендер көрсетілген фотоаймақтар ұсынылды.
Зияткерлік ойындарды ұнататын жандар үшін әр белсенді ойын-сауық алаңшасында QR-кодтар дайындалып, олар бұл кодтарды сканерлеу арқылы арнаулы викторина парақшасына өте алды. Викторинаға қатысушылар «Казцинк» туралы білімдерін сынап көрді. Кәсіпорын орналасқан әр қала: Алтай, Өскемен, Жәйрем, Серебрянск, Риддер және Көкшетау бөлімшелері бойынша сұрақтар дайындалды. Қатысушылар, сол сияқты, виртуалды кеңістікте осы елді мекендердің қызықты тарихына бойлай алды. Онлайн-викторинаның жеңімпаздары компания атынан сыйлықтарға ие болды.
