11.01.2025
2024 жылдың соңында «Біздің басты жеңістеріміз – балаларға!» қайырымдылық акциясы жетінші рет өтті. Жанкүйерлер «Торпедо» Өскемен клубының желтоқсан айындағы хоккей матчтарына жұмсақ ойыншықтар әкеліп, мәрелік сиренадан кейін оларды мұзға лақтырды.
Жаңа жыл қарсаңында клуб ойыншылары ана мен бала орталығының (балалар емханасы мен перзентхананы қамтитын облыстық кешен) емделушілеріне сыйлықтар таратты, ал «Казцинк» оларды тәтті кәмпит сыйлықтарымен толықтырды. Барлығы 400-ге жуық бала ауруханада стационарлық ем алуда.
